Interclub Damen - 4. Runde 2025
Es het am Morge bim Anefahre no grägnet...aber scho gli ischs warm worde und mir hei bi herrlichem Tenniswätter öisi Runde gäge Herzogebuchsee überpünktlich am 10 vor 9ni chönne starte..! S Noe und s Jana hei gstartet. S Noe hed sis Einzu souverän hei do. Bravo Noe! S Jana heds imene Drüsätzer sehr spannend gmacht.. Es het super mega guet gspöut und Gedoud bewiese und gwunne!
S larissa hed leider WO miesse geh, wüus im schlächt und sturm worde isch. Zum Glück het es sich denn guet chönne erhole uf öisere schöne Lounge... D Hitz isch würkli nit z ungerschätze gsi. S Bettina hed langi Bauwächsu gha, aber hed dur sini Usdur und sis Kämpfe s 3:1 chöne mache.
Denn hei Doppu agfange...
S Noe und s Laura hei ohni grosse Hürte chöne dr Match spiele und gwünne. Dream-Team!
S Jana und s Sandy hei dr erst Satz gwunne und denn si si im Zwöite hinge dri gsi. Hei zwar no chönne ufhole, aber es isch de glich no zumene Championstiebreak cho. Und es hed ir Zwüscheziit afo rägne. Öisi beide no Ackis ufem Blatt ( ;) ) si 9:2 vorus gsi und dä cheibe letschti Punkt het eifach nit wöue für d Müme-Fraue glinge... Bi feschtem Räge und Sturm hei d Gägnerinne wieder chönne bis uf 8:9 ufhole... bis si de endgüutig hei miesse höre, wüus gstürmt hed wie veruckt unds no het afe hagle! Spektakuläri Show! Geniale Isatz Fraue!
Somit hei d Jasscharte am Schluss entschiede und öisi Gägnerinne hei s Ass zoge und mir s 7ni... Leider isch dä Sieg auso a Buchsi...und so hei mir mit 4:2 chönne dr Sieg hole.
Denn hei mir no grilliert und e guete Abschluss gha, mit eusne tolle, symphatische Gägnerinne!
Am Schluss hed sogar d Sunne wieder gschune.
Mir danke eusne Fans, wo öis ungerstützt und agfüret hei.
Merci!